افضل گورو کی تیسری برسی کے موقع پر کشمیر میں مکمل ہڑتال

دسمبر 2011 ء میں پارلیمنٹ پر حملے کی سازش کے مبینہ مجرم محمد افضل گورو جنہیں 9 فروری 2013 کو دلی کی تہاڑ جیل میں پھانسی دی گئی تھی، کی تیسری برسی کے موقع پر آج وادی کشمیر میں علیحدگی پسند جماعتوں بشمول حریت کانفرنس کے دونوں دھڑوں اور جموں وکشمیر لبریشن فرنٹ (جے کے ایل ایف) کی اپیل پر ہڑتال سے معمولات زندگی مکمل طور پر مفلوج رہے۔

افضل گورو کو تہاڑ جیل میں تختہ دار پر لٹکانے کے بعد وہیں دفن کیا گیا تھا۔

style="text-align: right;">حریت کانفرنس کے دونوں دھڑوں کے سربراہان سید علی گیلانی اور میرواعظ مولوی عمر فاروق، جموں وکشمیر لبریشن فرنٹ کے چیرمین محمد یاسین ملک، ڈیموکریٹک فریڈم پارٹی کے سربراہ شبیر احمد شاہ، نیشنل فرنٹ کے چیرمین نعیم احمد خان، دختران ملت کی سربراہ آسیہ اندرابی اور دیگر علیحدگی پسند جماعتوں نے محمد افضل گورو کے پھانسی دیے جانے کے 3سال مکمل ہونے پر دونوں کو خراج تحسین پیش کرتے ہوئے 9فروری کو مکمل ہڑتال اور دعائیہ مجالس منعقد کرنے کی اپیل کی تھی